Sumasailalim sa regular blood testing si Pangulong Rodrigo Duterte para masuri ang kanyang kalusugan.
Ito ang inamin mismo ng pangulo sa kanyang pagharap sa isang conference sa Pasay city, kamakalawa.
Sinabi ni Pangulong Duterte, bahagi ang nasabing proseso ng kanyang routine medical checkup, kung saan kasama rin sa mino-monitor ang kanyang buerger’s disease.
Pabiro pa nitong sinabi na nauubos na ang kanyang dugo dahil kinukuhanan siya nito halos kada kamakalawa.
Magugunitang, una nang inamin ni Pangulong Duterte na diagnosed siya ng pagkakaroon ng buerger’s disease dahil sa malakas na paninigarilyo noong kanyang kabataan.
