Nagsagawa aerial inspection si Pangulong Rodrigo Duterte sa Catanduanes na isa sa matinding sinalanta ng Super Typhoon Rolly.
Batay ito sa ipinadalang larawan sa media ni Senador Christopher ‘Bong’ Go kung saan makikita ang aerial view ng mga lugar sa catanduanes na naapektuhan ng bagyo.
Kabilang rito ang mga puno na pinadapa ng Bagyong Rolly at ilog na nananatiling kulay putik.
Una rito, sinabi ni Presidential Spokesperson Harry Roque na babalik na ng manila si Pangulong Duterte mula Davao City, ngayong araw.
Sa biyahe aniya ng pangulo ay magsasagawa ito ng aerial inspection sa Bicol Region at Calabarzon.
Dagdag ni Roque, inaasahang magsasalita rin sa harap ng publiko ang pangulong mamayang hapon.
