Naniniwala ang Pangulong Rodrigo Duterte na kaunting araw na lamang ay matatapos na ang sakripisyo ng mga sundalo sa Marawi City.
Ito ayon sa Pangulong Rodrigo Duterte ay dahil bago matapos ang buwang ito ay mababawi na ang Marawi City mula sa kamay ng Maute group.
Sinabi ni Duterte na sa ngayon ay sinusubukan pa ng militar na mahanap ang ilan pang lider ng Maute group na maaaring nagtatago pa rin sa Marawi City.
Mahigpit naman ang bilin ng pangulo sa lahat ng government officials at maging sa mga opisyal ng militar na ayaw niyang makarinig ng pahayag ng tagumpay sa sandaling matapos na ang krisis sa lungsod.
Ayon sa pangulo, mas mabuting magdasal ang lahat at magpasalamat sa Poong Maykapal dahil hindi nagtagumpay ang paghahasik ng terorismo sa nasabing lungsod.
