Simple at makahulugan ang mensahe ni Pangulong Benigno Aquino III sa publiko ngayong Pasko.
Sa Christmas message ni Pangulong Aquino, nanawagan ito sa sambayanan na magmahalan sa pamamagitan ng paggawa ng tama at makatuwiran.
Halimbawa anya nito ay ang pagbabayad ng tamang buwis para makatulong sa mga walang kakayahang mag-aral.
Maipapakita rin ang paggawa ng tama sa kalsada sa pamamagitan ng pagsunod sa batas trapiko habang sa aspeto ng kalikasan ay makatutulong ang bawat Pilipino kung susunod sa wastong pagtatapon ng basura na mahalaga sa pangangalaga ng kalusugan.
Ipinaliwanag ng Pangulo na simple lamang ang mga sakripisyong ito kumpara sa ginawa ni Hesukristo na inialay ang buhay upang mailigtas sa kasalanan ang sangkatauhan.
By Drew Nacino | Aileen Taliping (Patrol 23)
