Tutol si outgoing Senate Minority Leader Aquilino ‘Koko’ Pimentel III sa mga panawagan na mag-inhibit ang ilang senador sa impeachment trial ni Vice President Sara Duterte dahil sa sinasabing political biases.
Ayon kay Sen. Pimentel, maaaring si VP Sara ang magbenepisyo sakaling may mga senator-judges na mag-inhibit dahil 2/3 votes o 16 na boto aniya ang kailangan para ma-convict o mahatulang guilty ang bise presidente.
Kaya sinabi ng Senador na mas mainam na manatili ang senator-judges hanggang sa dulo o hanggang sa pagbobotohan nila kung guilty o not guilty ang pangalawang pangulo at pagkatapos hayaan ang taumbayan na humusga sa magiging desisyon ng bawat senador
—ulat mula kay Cely Ortega-Bueno (Patrol 19)
