Pinaiiwas ng Philippine Association of Meat Processors Incorporated o PAMPI ang kanilang mga miyembro na bumili ng mga lokal na karneng baboy.
Ito ay kasunod ng pagkakakumpiska sa ilang mga branded at homemade pork meat products tulad ng hotdog, tocino at longganisa matapos magpositibo sa African Swine Fever o ASF.
Ayon kay PAMPI Spokesperson Rex Agarrado, mas may tiwala sila sa kanilang source ng karneng baboy mula sa ibang bansa.
Aniya, nailalagay sila sa panganib ng mga local pork dahil sa ilang mga mandarayang trader na posibleng bumibili ng mga may sakit na alagang baboy atsaka idini-deliver sa kanila ang mga karne.
Sinabi ni Agarrado, imported ang 95 porsyento ng kanilang ginagamit na karneng baboy habang limang porsyento lamang ang local pork.
