Labis ang pasasalamat ng palasyo sa pagkakapasa ng senado sa Tax Reform Package dahil kabilang ito sa mga isinusulong ng Duterte administration para maibaba ang poverty rate sa bansa mula 21 patungong 14% pagsapit ng taong 2022.
Sinabi ni Presidential Communications Secretary Martin Andanar, pagpapakita ito ng tunay na pagmamalasakit ng mga senador sa taumbayan dahil magbibigay-daan ito upang maisakatuparan ang mga proyekto ni Pangulong Rodrigo Duterte partikular na ang kanyang mga proyektong pang-imprastraktura.
Pahayag ni Andanar, sa pamamagitan ng Build Build Build programs ng gobyerno, maraming Pilipino ang mabibigyan ng trabaho.
Binigyang diin pa nito na sa tulong ng Tax Reform Package na pinagtibay ng senado, magkakaroon na ng pagkakataon ang pamahalaan na maisalba ang mga kababayan nating sumasahod ng mas mababa sa P 20,000.
