Maituturing na damage control ang ginawa ni Department of Foreign Affairs (DFA) Secretary Alan Peter Cayetano na pagpapaliwanag at pagbibigay katuwiran sa ipinatutupad na war on drugs ng pamahalaan.
Ito’y ayon kay Senador Antonio Trillanes IV matapos makipagpulong ni Cayetano sa Foreign Minister ng Iceland kung saan, inanyayahan pa nito ang opisyal na bumisita sa Pilipinas para magbago ang pananaw nito sa bansa.
Giit ng Senador, tila pinangungunahan ni Cayetano gagawing preliminary examination ng International Criminal Court (ICC) Â hinggil sa kasong crime against humanity na isinampa laban kay Pangulong Rodrigo Duterte.
Nasaksihan naman aniya ng buong bansa maging ng buong mundo ang karumal-dumal na mga pagpatay sa halos 2,000 Pilipino sa ilalim ng war on drugs ng kasalukuyang administrasyon.
Jaymark Dagala / Cely Ortega-Bueno / RPE
