Pinatunayan lamang umano ni Pangulong Rodrigo Duterte na state sponsored nga ang kaliwa’t kanang patayan sa ilalim ng kampanya kontra droga ng pamahalaan.
Ito’y ayon kay Senador Antonio Trillanes IV makaraang sagutin ni Pangulong Duterte ang pahayag ng human rights watch na dapat siyang managot at kasuhan ng crime against humanity.
Ayon kay Trillanes, sa bibig na mismo ng Pangulo nagmula ang pag-uudyok sa mga awtoridad na pumatay sa mga hinihinala pa lamang na sangkot sa iligal na droga.
Palpak din aniya ang pakahulugan ng Pangulo sa salitang humanity na siya aniyang malinaw na batayan para hatulang guilty ang pangulo at maalis ito sa puwesto.
By Jaymark Dagala |With Report from Cely Bueno
