Mariing itinanggi ng lokal na pamahalaan ng Mandaluyong na mayroong government official o tauhan ng city hall na sangkot sa umano’y napapaulat na “vaccine for sale” scheme.
Ayon kay PIO Jimmy Isidro, sa ngayon ay may iniimbestigahan ang mga awtoridad tungkol sa kontrobersiyang ito ngunit hindi aniya ito miyembro ng vaccination team ng lungsod o barangay.
Dagdag pa ni Isidro hindi maganda para sa kanilang siyudad na sila mismo ang nagpapaimbestiga saka may lalabas na ganitong mga ulat.
