Tiniyak ng Philippine Ports Authority (PPA) ang pagtugon sa reklamo ng importers sa bansa kaugnay sa paniningil ng container deposit.
Sa panayam ng DWIZ kay Jay Santiago, General Manager ng PPA, sinabi nito na maglulunsad sila ng isang programa na mag-aayos at magbibigay transparency sa lahat ng stakeholders.
Ito ay ang trusted operator program – container registry and monitoring system (TOP-CRMS) na layong ibaba ang gastos sa paggamit ng container, at matiyak na mababantayan ang galaw ng mga container papasok at palabas ng pantalan.
Sa ngayon, hindi pa naipapatupad ang TOP-CRMS program dahil kailangan pang isapinal ang operating guidelines nito.
