Naniniwala ang political analyst na si Mon Casiple na maituturing na babala kay Pangulong Rodrigo Duterte ang pagbilang sa kanya ng U.S. Intelligence Community bilang security threat ng Amerika.
Ayon kay Casiple, Executive Director ng Institute for Political and Electoral Reform na tila sinasabi ng US Intel community na maaaring palitan si Duterte.
Ito, anya, ay kung magpapatuloy ang pagtahak ng Pilipinas palayo ng America at palapit sa Tsina.
Batay sa Worldwide Threat Assessment na isinumite sa U.S. Congress ng director ng U.S. National Intelligence, tinukoy ang pagiging banta ni Duterte at ang kampanya ng kanyang administrasyon laban sa droga, katiwalian at krimen;
Mga pahayag hinggil sa pag-sususpinde ng saligang batas, pagtatatag ng isang revolutionary government at pagdedeklara ng martial law sa buong bansa.
Posted by: Robert Eugenio
