Aabot sa 21 trak ng mga relief supplies ang inihatid ng Philippine Army sa mga lugar na matinding sinalanta ng bagyong Odette.
Partikular na hinatiran ng tulong ng army ang mga lugar ng Southern Leyte at Surigao Del Norte kung saan, aabot sa 47 tonelada ng ayuda ang kanilang dinala.
Laman nito ang mga malinis na inuming tubig, pagkain, de lata, kumot, kutson, portable water purifier packs, generator sets at iba pang essential items.
Maliban pa ito sa 14 na trak ng ayuda na isinakay sa BRP Tarlac na inihatid sa lalawigan ng Cebu kamakalawa.
Ayon sa army, nag-ambagan ang iba’t ibang stakeholders mula sa pribadong sektor na nagkakahalaga ng kabuuang 12 milyong piso.