Umalma ang singer-actress na si Nadine Lustre sa planong pagtatayo ng tulay sa isla ng Siargao dahil makasisira umano ito sa ganda ng lugar.
Ito ang sinabi ni nadine sa kaniyang Twitter kung saan hindi nito suportado ang Union-Malinao bridge dahil matatamaan nito ang secret beach na isang mapayapang lugar sa Siargao.
Posible rin ayon sa aktres na masira ang mga bakawan at sea grass dahil sa konstruksyon ng tulay sa nasabing protected area.
Noong Disyembre, inamin ni Nadine na may sarili na itong tirahan sa nabanggit na isla para makaiwas sa malaking gastos sa akomodasyon.—sa panulat ni Airiam Sancho
