Aprubado na ng House Committee on Local Government ang panukalang pagtatatag ng Cordillera Autonomous Region (CAR) na layuning pabilisin ang pag-asenso ng rehiyon.
Inihayag ni Committee Chairperson at Valenzuela Rep. Rex Gatchalian na matagal nang nakabinbing pagpasa sa House Bill (HB) 3267.
Panahon na anya upang isabatas ang nasabing panukalang magbibigay sa mga taga-Cordillera ng karapatang ituloy ang kanilang economic, social and cultural development.
Matatandaan noong 1987 nang lagdaan ni dating Pangulong Corazon Aquino ang Executive Order 220 na nagtatag sa Cordillera Administrative Region (CAR) upang magsilbing transitory coordinating agency upang ihanda ang pagbibigay ng otonomiya sa rehiyon. - sa panulat ni Hannah Oledan
