Handang depensahan ng Amerika ang Taiwan sakaling atakihin o sakupin ng China.
Ito ang tiniyak ni US President Joe Biden sa gitna ng maka-ilang ulit na panghihimasok ng China sa airspace ng Taiwan.
Ayon kay Biden, hindi nagbabago ang ugnayan ng Amerika sa Taiwan at nananatili itong matatag sa ilalim ng Taiwan Relations Act.
Ngayon lamang taon ay mahigit isandaang military aircraft ang pinalipad ng China People’s Liberation Army sa Taiwanese Air Defence Identification Zone ng bagay na ikinaalarma na ng Taiwan.
Kasing-tigas at tatag anya ng bato ang suporta ng US sa Taiwan.
Samantala, nagbabala ang China sa posibleng kahinatnan ng Sino-US Relations matapos ang pahayag ni Biden. —sa panulat ni Drew Nacino
