Inamin ni Justice Secretary Vitaliano Aguirre na mayroon nang pangangailangan para amiyendahan ang National Prosecution Service Law.
Ito’y ayon sa kalihim ay dahil sa kulang na kulang ang kanilang mga prosecutors na tinatayang aabot sa mahigit 500 ang kinakailangang punuan.
Pagbubunyag pa ng kalihim, personal niyang idinulog kay Pangulong Rodrigo Duterte ang usapin na humihiling na bigyan sila ng kapangyarihan na magtalaga ng mga taga-usig.
Kasalukuyan nang ginagawan ng paraan ng Office of the President na mapabilis ang pagtatalaga sa mga taga-usig subalit patuloy aniya itong naaantala dahil sa dami ng kanilang ginagawa sa tanggapan.
—-
