Sang-ayon ang lokal na pamahalaan ng Puerto Princesa sa pagsasailalim sa lungsod sa Modified Enhanced Community Quarantine, ang ikalawang pinaka mahigpit na quarantine status.
Ayon kay Mayor Lucilo Bayron, wala na siyang balak pang i-apela ang ipinatupad na quarantine status sa lungsod dahil sa bumababa naman aniya ang kaso ng COVID-19 sa lungsod.
Ani Bayron bagama’t bumaba ang bilang ng mga aktibong kaso ng COVID-19, mabagal ang naging pagbaba nito kaya sa tingin umano niya ay marapat lang ang ipinatupad na quarantine level.
Gayunman magpapatawag pa rin umano ang Alkalde ng pulong kasama ang Inter Agency Task Force ng Puerto Princesa para maging iisa ang desisyon.
Mananatili ang MECQ sa Puerto Princesa mula Hulyo 1 hanggang Hulyo 15.