Pinag-aaralan pa ang mga posibleng opsyon kung papaano isasagawa ang State of the Nation Address (SONA) ni Pangulong Rodrigo Duterte sa ika-27 ngayong buwan ng Hulyo.
Ayon kay Presidential Spokesperson Harry Roque, isa sa mga pinag-aaralang paraan ay ang personal na pagtungo ng pangulo sa kongreso.
Ngunit limitado lamang hanggang sa 50 mambabatas mula sa kamara at senado ang maaaring dumalo.
Ang pangalawa naman aniyang pinag-iisipan ay pagsasagawa ng SONA sa pamamagitan ng live telecast.
Una nang sinabi ni Roque na asahan na ang pagbabago sa SONA ng pangulo ngayong taon dahil sa banta ng coronavirus disease 2019 (COVID-19).
