Iginiit ng Bayan Muna partylist group ang pagpapawalang bisa sa train law.
Ayon kay Bayan Muna Partylist Representative Carlos Zarate, ito lamang ang nakikita nilang pinakamagandang solusyon upang hindi maulit ang shock na sumalubong sa taongbayan nang unang ipatupad ang train law nuong 2018.
Sinabi ni Zarate na siguradong mabubura ang ipinagmamalaking mababang inflation rate ng gobyerno nitong 2019 dahil sa malaking dagdag sa presyo ng produktong petrolyo na epekto ng panibagong bugso ng train law.
Maliban dito, iginiit rin ni Zarate ang unbundling ng oil prices para makita ng consumers ang tunay na presyo ng produktong petrolyo.
