Welcome sa Philippine National Police o PNP ang naging pasya ni Pangulong Rodrigo Duterte nang pirmahan nito ang batas na nagpapababa sa height requirement para sa mga aplikanteng Pulis.
Ayon kay PNP Chief P/Gen. Guillermo Eleazar, naniniwala siyang hindi sa tangkad o taas nasusukat ang kakayahan at abilidad ng isang nagnanais maging miyembro ng Pulisya.
Nakadepende kasi aniya ito kung kuwalipikadoa ng isang aplikante at kung may dedikasyon ba ito sa pinapasukang propesyon .
Dahil dito, umaasa si Eleazar na sa naging hakbang na ito ng Pangulo ay magbubukas ito ng pagkakataon sa mas marami pang mga nagnanais maglingkod sa bayan bilang Pulis.
Sa ilalim ng nilagdaang Republic Act no. 11549 ng Pangulo, gagawin nang 1.57 meters o 5’2″ ang height requirement para sa mga lalaki habang 1.52 meters o flat 5 ft naman sa mga mga babae na nais pumasok sa uniformed service tulad ng PNP, BJMP, BFP at BuCor.
