Malugod na tinanggap ng Philippine National Police (PNP) ang inisyatiba ng mga kandidato sa halalan na sumailalim sa drug test
Ito’y kasunod pa rin ng blind-itemni Pangulong Rodrigo Duterte kamakailan hinggil sa isang Presidential aspirant na gumagamit umano ng cocaine
Ayon kay PNP Chief P/Gen. Dionardo Carlos, kanila aniyang idodokumento ang resulta ng mga drug test at mainam na maging mabuting halimbawa ang mga kandidato
Subalit binigyang-diin ng PNP Chief na hindi niya pipigilan ang kaniyang mga tauhan na magsagawa ng imbestigasyon sakaling may kandidatong mauugnay sa paggamit o ‘di kaya’y kalakalan ng ilegal na droga
Suportado ng PNP ang hakbang ng ilang mga kandidato na magpa-drug test bagaman hindi sila obligadong gawin ito dahil walang batas o panuntunan na nagpapairal nito