Mahigpit na pinababantayan ni Agri party-list Rep. Wilbert Lee sa Department of Agriculture at Department of Trade and Industry ang presyo ng mga isda, gulay at iba pang pangunahing bilihin ngayong Semana Santa.
Iginiit ni Cong. Lee, na bagamat natural ang pagtaas ng presyo ng gulay at isda tuwing Holy Week, dapat pa ring magpatupad ng mas mahigpit na pagbabantay ang dalawang ahensya lalo na ngayong linggo.
Kaugnay nito, iminungkahi ng mambabatas ang paglalagay ng Suggested Retail Price (SRP) sa mga pangunahing bilihin.
Umapela rin si Cong. Lee na palawakin pa ang price monitoring ng D.A, sa Provincial at Regional Level, para hindi lamang sa metro manila nababantayan ang presyo ng mga bilihin. -sa panunulat ni Hya Ludivico – sa ulat mula kay Tina Nolasco (Patrol 11).
