Isang bagsakan na lamang na ilalabas at hindi na “by tranches” o paunti-unti ang paglabas ng mga pondong inilaan para sa bawat infrastructure projects sa bansa.
Ayon kay Public Works and Highways Secretary Vince Dizon, layon ng naturang hakbang na maiwasan na ang pagkaantala sa pagpapatupad o tuluyang paghinto ng mga proyekto gaya ng classrooms, kalsada, tulay, at mga ospital.
Diretahan ding sinabi ng kalihim na patingi-tingi ang paglalabas ng budget noon dahil nilalagay na sa mga pinagnanakawang proyekto ang mga pondo.
Binigyang-diin din ni Sec. Dizon ang commitment ni Pangulong Ferdinand Marcos Jr. na ilagay na sa budget ang lahat ng kakailanganing pondo para agarang matapos ang mga isasagawang proyekto ng pamahalaan.
