Nananatiling buo ang tiwala ng Pangulong Rodrigo Duterte kay PNP Chief General Oscar Albayalde.
Sa gitna na rin ito nang paglutang ng pangalan ni Albayalde bilang isa sa mga protektor ng ninja cops.
Sinabi ni Presidential Spokesman Salvador Panelo na hangga’t wala pang inanunsyo ang Pangulo tiwala pa rin ito kay Albayalde na hindi pa naman napapatunayang guilty sa pinalulutang na akusasyon.
Malinaw aniya ang polisiya ng Pangulo na hindi niya paiiralin ang pagiging magkaibigan, kamag-anak o kumpare para panatilihin pa sa puwesto ang mga opisyal ng pamahalaan na may ginagawang kalokohan.
Bukod sa pagkasibak maaaring makasuhan ng administratibo at kriminal ang sinumang opisyal ng pamahalaan na masasangkot sa iligal na gawain.