Posibleng ilabas ngayong buwan o sa Pebrero ang circular memorandum hinggil sa bagong panuntunan sa e-bike at e-trike.
Kasunod ito ng reklamo ng publiko at iba pang grupo na repasuhin ang nasabing kautusan.
Ayon kay Land Transportation Office Officer 1 Jerome Rodriguez, hinihintay na lamang nila ang pirma ng Department of Transportation bago ilabas ang bagong circular memorandum.
Isa sa mga pangunahing tinitingnang probisyon sa guidelines ang pagsasama ng mga light electric vehicle sa opisyal na kategorya ng sasakyan para sa lisensya.
Sa ngayon, patuloy pa ang diskusyon kung kinakailangan bang kumuha ng driver’s license, student permit, o maglalabas ng hiwalay na uri ng lisensya para sa mga gumagamit ng light electric vehicles.
