Dismayado si Senator Grace Poe sa desisyon ng Ombudsman na i-abswelto si Transportation Secretary Jun Abaya at iba pang transport official sa graft charges na inihain sa Sandiganbayan.
Kaugnay ito sa maanomalya umanong maintenance conctract sa Metro Rail Transit o MRT-3.
Ayon kay Poe, dapat panagutin si Abaya lalo’t ito ang lumagda sa nabanggit na kontrata na nagkakahalaga ng 1.5 million dollars kada buwan.
Gayunman, pinuri ng senador ang tanodbayan sa paghahain ng kaso laban kay dating MRT-3 General Manager Al Vitangcol at 5 iba pang opisyal.
Tiniyak naman ng presidential candidate na kanilang i-mo-monitor ang pag-usad ng kaso hanggang sa tuluyang mapanagot ang mga sangkot.
By: Drew Nacino
