Tinatayang 100 pamilya ang nawalan ng bahay sa sunog sa isang residential area sa West Crame, San Juan, kaninang madaling araw.
Dakong 2:00 nang sumiklab ang apoy sa bahay ng isang Buboy Ocampo sa 3rd street na agad kumalat dahil gawa sa mga light material ang mga kalapit na bahay.
Umabot sa 4th alarm ang sunog bago tuluyang naapula makalipas ang mahigit isang oras.
Base sa imbestigasyon, 2 lalaki umano ang naghagis ng bote na naglalaman ng gaas sa bahay ni Ocampo dahilan upang magkaroon ng pagsabog.
Wala namang nasugatan sa sunog habang inaalam na ang halaga ng mga natupok o napinsalang ari-arian.
By; Drew Nacino
