Iminungkahi ng Department of Social Welfare and Development (DSWD) na dapat na isama ng mga local governments units sa kanilang guidelines ang paghihigpit sa christmas caroling.
Matatandaang sinang-ayunan ng Department of Interior and Local Government at lgu’s ang pagsasagawa ng caroling.
Ayon sa ahensya, dapat na isagawa ang pangangaroling sa mga ligtas na lugar sa loob ng kanilang mga barangay at huwag sa mga kalsada at pangunahing lansangan.
Mas mainam din anila na magsagawa na lamang ng gift giving activities at medical mission sa mga activity center sa tulong ng mga lokal na pamahalaan. —sa panulat ni Hya Ludivico
