Bukas para sa lahat ang magiging paggunita sa ika – 32 anibersaryo ng EDSA People Power Revolution sa Pebrero 25.
Ito ang tiniyak ni People Power Commissioner Pastor Boy Saycon na kilala ring malapit umano sa mga ka-anak ni dating Pangulong Corazon Aquino.
Sinabi ni Saycon na wala silang pipiliin na magtungo sa EDSA kahit pa ang mga kritiko ng kasalukuyang administrasyon hindi tulad aniya nang ginawa nuong Aquino Administration na pili lamang ang mga inimbitahan.
Kasunod nito, posibleng maapektuhan ang daloy ng trapiko sa gagawing rehersal ng mga programa kaugnay ng pagdiriwang sa Biyernes, Pebrero 23.
Ayon sa MMDA o Metro Manila Development Authority, magsisimula ang rehearsal ng military guards dakong alas 8:00 ng umaga kaya’t pinapayuhan na nila ang mga motorista na paghandaan ang nasabing araw.
Posted by: Robert Eugenio
