Tiniyak ng PNP Anti Illegal Drugs Group ang patuloy na suplay ng pagkain kay Marine Col. Ferdinand Marcelino.
Ito’y sa kabila ng banta ni Marcelino na magha-hunger strike siya bilang protesta sa mga umano’y kasinungalingang ipinupukol sa kanya.
Ayon kay PNP-AIDG Spokesman Police Chief Inspector Roque Merdegia, mula agahan hanggang hapunan ang kanilang ibinibigay araw-araw para sa kanilang apat na detainee.
Sakali namang maapektuhan ang kalusugan ni Marcelino dahil sa kanyang hunger strike, tiniyak ni Merdegia na nakahanda ang PNP Health Service na nasa loob lang din ng Kampo Krame upang umalalay sa kondisyong pangmedikal ng naarestong marine officer dahil sa iligal na droga.
By Meann Tanbio | Jonathan Andal
