Wala nang saysay ang padedeklara ng Suspension of Military Operations o SOMO ng pamahalaan sa New People’s Army (NPA) ngayong Kapaskuhan.
Ito ay ayon kay Senador Panfilo Lacson makaraang opisyal na ideklara ni Pangulong Rodrigo Duterte ang Communist Party of the Philippines o CPP – NPA bilang teroristang grupo.
Iginiit ni Lacson, dahil sa deklarasyon ni Pangulong Duterte, wala nang dahilan ang pagpapatupad ng SOMO.
Ito ay bagama’t kailangan pang hintayin ang desisyon ng Korte Suprema para opisyal na ilagay ang CPP – NPA sa listahan ng mga terorista.
Matatandaang sa diwa ng Kapaskuhan karaniwang nagdedeklara ng SOMO ang pamahalaan sa CPP – NPA na tinutugunan naman ng ceasefire o tigil putukan ng rebeldeng grupo.