Ikinatuwa ng Malakanyang ang malaking pagbaba ng bilang ng mga naputukan sa pagsalubong ng Bagong Taon.
Ngunit ayon kay Presidential Spokesman Harry Roque, umaasa silang wala nang maitatala pang biktima ng paputok sa susunod pang mga taon.
Binigyang – diin pa ni Roque na malaki ang epekto ng inilabas na Executive Order (EO) No. 28 ni Pangulong Rodrigo Duterte na nag – aatas na i-regulate ang mga paputok.
Napatunayan aniya na kahit walang mga paputok na siyang kakambal na ng tradisyong Pinoy, napanatili pa rin namang masaya ang naturang pagdiriwang.
Magugunitang sinabi ni Roque na malinaw ang isinasaad ng EO No. 28 ng Pangulong Rodrigo Duterte bagama’t hindi total ban ay nililimitahan naman nito ang paggamit sa mga paputok.