Isinusulong ngayon sa kamara ni Albay 2nd District Rep. Joey Salceda ang pagbuo ng Water Department na siyang mangangasiwa sa water resources ng bansa.
Ito’y matapos makaranas ng matinding pagbaha sa Luzon na iniuugnay sa pagpapakawala ng tubig ng mga dam.
Ayon kay Salceda, mayroong dapat na pangunahing nangangasiwa sa konstruksyon, pagde-develop at pagpapalawak ng mga dam sa bansa.
Kabilang din sa responsibilidad nito ang pagbibigay-gabay hinggil sa pagpapakawala ng tubig upang maiwasan ang pagbaha sa mga posibleng maapektuhang lugar.
Giit ng mambabatas, mahalaga ang pagbuo ng Department of Water at hindi dapat na iisang ahensya lamang tulad ng National Irrigation Administration ang dapat na maging responsable sa buhay ng milyun-milyong Pilipino.
