Kinumpirma ng Department of National Defense (DND) ang pagbibitiw sa pwesto ng ilan nilang opisyal.
Ayon kay DND Spokesperson Arsenio Andolong, maliban kay Retired General Jose Faustino, Jr. na nagbitiw bilang officer- in- charge ng DND, pito hanggang 9 na opisyal pa ng DND ang nagsumite pa ng courtesy resignation.
Aniya, co-terminous appointment ang mga nagbitiw sa pwesto kahapon.
Gayunman, kahit sa biglaang pagpapalit ng liderato, sinabi ni Faustino na normal naman ang takbo ng DND sa ngayon.
Nasa transition process na umano sila at nakasuporta sa bagong pinuno na si Carlito Galvez Jr.
