Nananatili sa kanilang puwesto sa Bureau of Customs o BOC sina Deputy Commissioner Natalio Ecarma III at Deputy Commissioner Gerardo Gambala.
Ito’y makaraang umugong ang balitang nagbitiw na umano sa puwesto ang dalawang Deputy Commissioner ng Customs matapos mabunyag ang umano’y suhulan sa Aduana.
Si Ecarma ay kasalukuyang nasa Revenue Collection and Monitoring Group habang si Gambala naman ang tagapamuno ng Management Information Systems and Technology Group.
Magugunitang kabilang sina Ecarma at Gambala sa mga pinangalanan ng broker na si Mark Taguba na tumanggap umano ng tara o suhol sa Customs para mapalusot ang mahigit P6 na bilyong pisong halaga ng shabu mula sa China.
By Jaymark Dagala / (Ulat ni Aya Yupangco)
