Pumalag sina Partylist Representatives Carlos Zarate at Harry Roque sa pagbasura ng plunder case laban kay dating Agriculture Undersecretary Joselin Joc-joc Bolante sa 2004 fertilizer fund scam.
Ayon kay Zarate ng Bayan Muna Partylist Group, ang nasabing desisyon ng Ombudsman ay malaking hamon sa kampanya kontra korupsyon ng gobyerno.
Dapat aniyang busisiin ang ginagawa ng Ombudsman dahil sa mababang conviction rate nito.
Sinabi naman ni Roque ng Kabayan Partylist Group na nasayang ang mga pagkilos nilang harangin ang asylum ni Bolante sa Amerika sa kasagsagan ng kaso.
By Judith Larino
