Babantayan ng grupong Bagong Alyansang Makabayan o BAYAN ang binabalangkas na panukalang pambansang budget para sa susunod na taon.
Kasunod ito ng naging kumpirmasyon ni Budget Secretary Benjamin Diokno na tig-80 milyong piso ang ilalaan sa mga mambabatas para sa mga proyektong kanilang tutukuyin.
Sa panayam ng DWIZ, sinabi ni BAYAN Secretary General Renato Reyes na malinaw ang naging desisyon ng Korte suprema na labag sa batas ang pork barrel at anumang uri nito.
Bahagi ng pahayag ni BAYAN Secretary General Renato Reyes
Naniniwala rin si Reyes na ang paglalaan ng pondo sa mga mambabatas ang siyang ugat ng talamak na katiwalian kaya’t panahon na para mawala iyon.
Bahagi ng pahayag ni BAYAN Secretary General Renato Reyes
By Jaymark Dagala | Karambola
