Iginiit ng Malacañang na hindi pagpapahirap sa publiko ang pagbabawal sa e-bikes at e-trikes sa national roads, kundi para ito sa kaligtasan ng lahat.
Sa press briefing sa Malacañang, sinabi ni Palace Press Officer at PCO Usec. Atty. Claire Castro na motorized vehicles ang mga ito at dapat sumunod sa umiiral na batas sa kalsada.
Dagdag niya, ang disiplina sa lansangan ay hindi pag-atake sa isyu ng kahirapan kundi paraan upang matiyak ang kaligtasan ng lahat.
Samantala, sinuspinde muna ng Land Transportation Office ang implementasyon ng nasabing ban na sana’y nagsimula kahapon, Disyembre 1, at iniurong ang pagpapatupad nito sa Enero 2 ng susunod na taon.
