Mahigit tatlong linggo bago ang Pasko, muling pinaalalahanan ng Department of Labor and Employment ang private employers na ilabas sa takdang panahon ang 13th-month pay ng kanilang mga empleyado.
Ayon sa DOLE, dapat ilabas ng mga employer ang 13th-month pay bago mag-Disyembre a–bente kwatro o sa mismong bisperas ng Pasko.
Ipinunto rin ng kagawaran na hindi papayagan ang anumang hiling para sa “exemptions” o “deferred payments.”
Magugunitang nilagdaan ni Labor Secretary Bienvenido Laguesma ang Labor Advisory 16, na nag-uutos sa lahat ng private companies na i-release ang 13th-month pay alinsunod sa guidelines.
Binigyang-diin ng kalihim na mahalaga ang 13th-month pay sa pagsuporta sa mga pamilyang Pilipino lalo ngayong holiday season.
