Target ng Kongreso na maipalagdaan kay Pangulong Ferdinand Marcos Jr. ang panukalang 6.793-trillion pesos 2026 national budget sa Disyembre a-bente nuebe.
Ayon kay Senate Committee on Finance Chairman Sherwin Gatchalian, bagamat special non-working holiday ngayong araw dahil sa pagdiriwang ng Pasay Day, magpapatuloy pa rin ang “period of interpellations” ng budget.
Nakatakda naman sa Disyembre a-tres ang second-reading approval ng budget, at target itong maaprubahan sa ikatlo at huling pagbasa sa Disyembre a-nuebe.
Umaasa naman si Sen. Gatchalian na malalagdaan na nila sa Disyembre a-disi sais ang bicameral report.
Sinabi rin ng senador na kanilang ila-livestream ang bicameral hearings, na gaganapin sa hindi pa tukoy na venue sa Intramuros, Maynila.
