Inihayag ng Philippine College of Physicians na posibleng luwagan sa Alert level 2 ang Metro Manila kaugnay sa pagbaba ng kaso at hospitalization rate ng COVID-19.
Ayon kay PCP President Dr. Maricar Limpin, sang-ayon siya sa Department of Health (DOH) na maaring babaan ang Alert level system dahil mahigit tatlong libo na lang ang average ng kaso ng COVID-19 kada linggo.
Kaugnay dito, sinabi rin ni DILG Undersecretary Jonatahan Malaya na handa na ang mga lokal na pamahalaan na ibaba ang Alert level sa NCR sa susunod na linggo. —sa panulat ni Airiam Sancho