Makakaranas ng maaliwalas na panahon ang malaking bahagi ng Luzon maliban na lamang sa mga isolated rain showers o pulo-pulong mga pag-ulan at thunderstorms sa hapon hanggang sa gabi.
Asahan din na magiging maaliwas ang panahon sa Visayas partikular na ang bahagi ng Samar, Leyte; Biliran; Bohol; Cebu; Negros Island; Guimaras; Siquijor; at Panay Island.
Magiging maganda din ang panahon sa malaking bahagi ng Mindanao pero asahan ang posibilidad na isolated o pulu-pulong mga pag-ulan na may kasamang pagkulog at pagkidlat.
Agwat ng temperatura sa Metro Manila ay maglalaro sa 26°C hanggang 34°C habang sisikat naman ang haring araw mamayang 5:52 ng umaga at lulubog naman ito mamayang 6:08 ng hapon. —sa panulat ni Angelica Doctolero