Idineklara ni House Speaker Feliciano Belmonte Jr. na malabo na ang inaasam ng publiko lalo na ng mga senior citizen na ma-override ang veto ni Pangulong Benigno Aquino III sa SSS pension hike.
Ayon kay Belmonte, wala nang pag-asa ang pagbasura sa veto ng Pangulong Aquino dahil kailangan ng 192 votes o higit pa, pero hindi na aniya ito makakamit dahil sa kakapusan ng panahon.
Ginawa ni Belmonte ang pahayag sa gitna ng patuloy na pangangalap ng mga lagda ni Bayan Muna Partylist Representative Neri Colmenares mula sa mga kongresista upang makuha ang numero at ma-override ang Aquino veto sa sesyon ng kongreso sa Mayo.
Kasabay nito, inihayag ng House Speaker na bukas siya sa hirit ng SSS at iba pang government agencies na dagdag na performance bonus dahil kahit papaano’y entitled naman ang mga ahensya rito lalo na kung maganda ang trabaho nila.
By Meann Tanbio