Ikinagalit ng National Union of Journalists of the Philippines o N.U.J.P. ang pag-kansela ng Securities and Exchange Commission sa registration ng online news outfit na Rappler.
Ayon sa N.U.J.P., ang kanselasyon ng registration ng Rappler ang patunay sa banta ni Pangulong Rodrigo Duterte laban sa mga media entity na bumabatikos sa kanyang pamamahala.
Suportado rin ng N.U.J.P. ang rappler maging ang mga independent media outfit na pinagbabantaan ng Pangulo tulad ng pahayagang Philippine Daily Inquirer at tv network na ABS-CBN.
Samantala, nanawagan ang nabanggit na grupo ng mga mamamahayag sa lahat ng mga kapwa Filipino journalist na magkaisa at labanan ang tangkang pagsagka sa malayang pamamahayag.