Dumoble ang presyo ng mga paputok sa Bocaue, Bulacan habang papalapit ang bagong taon.
Ayon sa Philippine Fireworks Association (PFA) President Joven Ong, tumaas kasi ang presyo ng mga imported chemicals na sangkap sa paggawa nito.
Sinabi pa ni Ong na kaunti lamang ang iprinoduce na paputok ng mga firework manufacturers ngayong taon kung saan aniya ay posibleng maubos na ang mga stock nito bago pa man mag-December 31.
Samantala, nakumpiska naman ng Department of Trade and Industry (DTI) ang mahigit 26,000 pesos halaga ng mga paputok at pailaw sa isinagawang inspeksyon sa Bocaue.
Tatlong establisyemento ang nahulihan ng mga paputok na may pekeng Philippine Standard (PS) Mark License at hindi aprubado ng DTI.
Pinayuhan naman ni dti Undersecretary Ruth Castelo ang publiko na alamin kung may updated PS licenses ang isang establisyemento.