Umakyat sa 46,037 ang aktibong kaso ng COVID-19 na naitala ngayong araw ng Department of Health (DOH).
Ito ay matapos makapagtala ng karagdagang 5,310 kumpirmadong kaso ng COVID-19 sa bansa dahilan upang sumampa sa 1,193,976 ang kabuuang kaso ng naturang virus.
Samantala, 150 naman ang nadagdag sa bilang ng mga nabawian ng buhay at umabot naman sa 20,169 ang kabuuang bilang ng mga nasawi .
Kaugnay nito, 7,408 naman ang mga gumaling dahilan upang umakyat sa 1,127,770 ang lahat ng nakarekober sa COVID-19.
