Hindi na kailangan ng Go signal ng Pangulong Rodrigo Duterte ang imbestigasyon ng CHR o Commission on Human Rights sa mga pulis na nakapatay kay Ozamiz City Mayor Reynaldo Parojinog, Sr. at 14 na iba pa.
Ayon ito kay Senior Executive Secretary Menardo Guevarra taliwas sa naging pahayag ng Pangulo na kailangan muna ng clearance sa kaniya bago maimbestigahan ang mga pulis kaugnay sa kaniyang anti drug campaign.
Sinabi ni Guevarra na ang naging pahayag ng Pangulo sa kaniyang SONA ay bahagi ng kaniyang kapasidad bilang commander in chief ng AFP at PNP.
Binigyang diin ni Guevarra na ang CHR ay isang constitutional at independent body at batid ng Pangulo bilang abogado ang limilitasyon ng kaniyang kapangyarihan sa ilalim ng konstitusyon.
