Humihingi pa ng kaunting panahon ang AFP sa mga evacuee bago tuluyang payagang makabalik sa kanilang mga bahay sa Marawi City.
Ayon kay AFP Spokesman Brigadier General Restituto Padilla bahagyang bumabal ang clearing operations ng mga sundalo sa Marawi City dahil sa mga nakakalat na mga bomba.
Kadalasan aniyang umaabot sa 50 hanggang 100 bahay kada araw ang kanilang naki clear subalit habang lumiliit ang sakop ng Maute Group ay lalong nagiging delikado.
Sinabi ni Padilla na maraming naka kalat at mga itinanim na mga bomba ang Maute group kayat nalalagay sa panganib ang kanilang mga tauhan.
