Winelcome ni Senador Grace Poe ang pag-endorso ng Pangulong Noynoy Aquino kay Mar Roxas.
Ayon kay Poe, umaasa siya ang mga kandidato sa 2016 elections ay bukas sa pagtalakay ng mga isyung kinakaharap ng bayan at paglatag ng mga panukala kung paano maisusulong ang magagandang simulain ng Pangulo para makapili ng karapat-dapat.
Sinabi ni Poe na nagpapasalamat siya kay PNoy dahil isinama siya sa mga anito’y tingin niyang maaaring magpatuloy ng “Daang Matuwid”.
Kinukunsidera niya aniya itong pagkilala sa mga nagawa niya para mapabuti ang kapakanan ng Sambayanang Pilipino.
Tiniyak din ni Poe na patuloy niyang tatahakin ang Daang Matuwid dahil batid niyang magiging makabuluhan ito kapag mas marami ang tumatalima sa adhikain nito kahit anong papel pa ang gagampanan niya sa gobyerno.
By Judith Larino | Cely Bueno (Patrol 19)
